في أول رسالة ميلاد إله كحارس جديد للأراضي المقدسة، الأب فرانشيسكو ييلبو بتذكّرنا بالطفل يسوع الممدّد في المذود، كعلامة لإله بقرب منّا بضعفه. بدعونا نطلع على الأرض المقدسة برجاء، نصلّي من أجل السلام، ونشوف حضور الله بالفقراء وبجراح العالم، ونستقبل النور اللي عم يولد.
«مريم ولدت ابنها البِكر، لفّته بالقماط وحطّته بالمذود»
(لوقا 2:7)
يسوع وُلد بمكان بسيط، متواضع، وغير مهيّأ.
صورة الميلاد القويّة هي صورة الصِغر!
هون ببيت لحم بنتأمّل إله صغير.
الإسطبل بصير مكان اللانهاية، وأقدس ليتورجيا بتتحتفل على القش، مع ريحة الزبل القويّة، وبين حنان أم وبكاء طفل.
مرّة تانية، يسوع ما بخاف ينزل لأوطى نقطة بإنسانيتنا، المليانة عنف وخطيئة ووجع ودموع وصعوبات.
مرّة تانية، هو بيولد وبيطلب منّا، متل ما إحنا، نكون مهدُه، بقشّ ضعفنا الفقير.
انحطّ بالمذود ليصير أكل، غذاء رجاء لكل البشرية.
وإحنا منطلع عليه، ونتأمّل صورته، ونحاول نقلّده، فينا نبلّش من جديد برجاء متجدّد.
بإسطبل الإنسانية، إحنا مش لوحدنا!
يسوع وُلد كرمالنا!
الأب فرانشيسكو ييلبو
حارس الأراضي المقدسة
